Синоптиктер демалыстағы ауа райына байланысты ескерту жасады

Синоптиктер демалыста ауа райы қандай болатынын айтты, - деп хабарлайды Massaget.kz тілшісі Қазгидрометтің баспасөз қызметіне сілтеме жасап.  

Алдағы күндері Қазақстан аумағына атлантикалық циклон және онымен байланысты фронтальды бөліктер өз ықпалын сақтайды, осыған байланысты күзгі тұрақсыз ауа райы әлі де сақталады, жауын-шашын (жаңбыр, қар) елдің солтүстік-батысында, солтүстігінде және орталығында қар түрінде жауады. 

5 қарашада Солтүстік Қазақстан облысында - қатты қар, 6 қарашада Шығыс Қазақстан облысында, 7-8 қарашада елдің оңтүстік облыстарында-қатты жауын-шашын (жаңбыр, қар). Республика бойынша тұман, көктайғақ, жел күшейеді, солтүстік жартысында қарлы боранмен болжанады.

7 қарашада Солтүстік-батыс антициклонының енуімен республиканың батысында жауын-шашын тоқтауы мүмкін.

- батыста түнде - 5 және +5 аралығында, күндіз 0-10 жылыдан 2 аяз - 5 жылыға дейін біртіндеп төмендейді;

солтүстік-батыста, солтүстікте түнде 6 градус аяз - 5 градус жылыдан 0-8 градус аязға дейін, күндіз 3 градус аяз - 5 градус жылыдан 5 градус аяз - 2 градус жылыға дейін аздап төмендейді;

шығыста түнде 3 градус аяз - 5 градус жылыдан 7 градус аяз - 2 градус жылыға дейін, күндіз 5-11 градус жылыдан 3 градус аяз - 5 градус жылыға дейін аздап төмендейді;

орталықта түнде 0-8 градус аяз, күндіз 3 градус аяз - 5 градус жылы;

оңтүстікте түнде 0-10 градус, күндіз 3-12 градус жылы;

оңтүстік-шығыста түнде 0-8 градус жылы, таулы аудандарда 0-5 градус аяз, күндіз 10-15 градус, таулы аудандарда 3-8 градус жылы болады.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!