Синоптиктер Астана мен Алматы тұрғындарына ескерту жасады
![Синоптиктер Астана мен Алматы тұрғындарына ескерту жасады](/userdata/news/news_106211/image_l.jpg)
Қазгидромет Алматы, Астана және тағы бір қала тұрғындарын қолайсыз метеорологиялық жағдай туралы ескертті, - деп хабарлайды Massaget.kz тілшісі.
"2024 жылғы 27 сәуірде Ақтөбе, Алматы және Астана қалаларында ауаның ластануы бойынша қолайсыз метеорологиялық жағдай болады", - делінген хабарламада.
Қолайсыз ауа райы - атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тымық, екпіні аз жел, тұман, инверсия) жиынтығы. Олар ауаның жер қабатында зиянды ластаушы заттардың жиналуына ықпал етеді.
Сондай-ақ, синоптиктер төрт облыс тұрғындарына жоғары өрт қаупі туралы ескертті.
"Маңғыстаудың басым бөлігінде, орталықта, Қызылорда облысының оңтүстігінде, Түркістанның солтүстігінде, Атырау облыстарының оңтүстігінде жоғары өрт қаупі сақталады", - деп хабарлады метеорологтар.
Өзекті жаңалықтарды өз уақытында оқу үшін Facebook парақшамызға жазылыңыз!
С. Бөлек