Синоптиктер 13 қала тұрғындарына ескерту жасады

"Қазгидромет" Астана, Алматы және Қазақстанның тағы 11 қаласының тұрғындарына ескерту жасады, - деп хабарлайды Massaget.kz тілшісі.

"2024 жылғы 27 қарашада Алматы, Астана, Ақтөбе, Өскемен, Семей, Риддер, Павлодар, Көкшетау, Петропавл, Қарағанды, Жезқазған, Балқаш және Теміртау қалаларында ауа ластанып, метеорологиялық жағдай қолайсыз болады", - делінген хабарламада.

Қолайсыз ауа райы - атмосфералық ауаның беткі қабатында зиянды (ластаушы) заттардың жиналуына ықпал ететін қысқамерзімді метеорологиялық факторлардың (тымық, екпіні аз жел, тұман, инверсия) жиынтығы. Олар ауаның жер қабатында зиянды ластаушы заттардың жиналуына ықпал етеді. 

Бұған дейін синоптиктер 12 өңірде ауа райына байланысты ескерту жасаған еді.

Синоптиктердің болжамынша, ертең, 27 қарашада елдің 12 өңірінде ауа райы қолайсыз болады: кей облыста тұман түссе, енді бір өңірлерде екпіні күшті жел соғады

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!