"Қазгидромет" Астана, Алматы және Қазақстанның тағы 9 қаласының тұрғындарына ескерту жасады, - деп хабарлайды Massaget.kz тілшісі.
"2024 жылғы 3 желтоқсанда Астана, Алматы, Қызылорда, Шымкент, Ақтөбе, Атырау, Павлодар, Балқаш, Теміртау, Жезқазған, Қарағанды қалаларында ауа ластанып, метеорологиялық жағдай қолайсыз болады", - делінген хабарламада.
Қолайсыз ауа райы - атмосфералық ауаның беткі қабатында зиянды (ластаушы) заттардың жиналуына ықпал ететін қысқамерзімді метеорологиялық факторлардың (тымық, екпіні аз жел, тұман, инверсия) жиынтығы. Олар ауаның жер қабатында зиянды ластаушы заттардың жиналуына ықпал етеді.
Бұған дейін синоптиктер ауа райы болжамын ұсынған еді.
Синоптиктердің болжамына қарағанда 3 желтоқсанда еліміздің 17 өңірінде ауа райы қолайсыз болады. Кей өңірде тұман түсіп, көктайғақ болса, енді бір өңірлерде екпіні күшті жел соғады.
Аптаның басты оқиғалары мен пайдалы видеоларды көру үшін YouTube арнамызға жазылыңыз