Си Цзиньпин ҚКП басшысы болып үшінші мерзімге сайланды
![Си Цзиньпин ҚКП басшысы болып үшінші мерзімге сайланды](/userdata/news/news_73558/image_l.jpg)
Қытай басшысы Си Цзиньпин Қытай Коммунистік партиясының басшысы болып үшінші бесжылдық мерзімге сайланды, - деп хабарлайды DW.com.
Қытай Коммунистік партиясының өкілдері бүгін Си Цзиньпинді партияның бас хатшысы етіп, тағы бес жылға ресми түрде қайта сайлады.
Партия оның "негізгі" көшбасшылық ұстанымын мақұлдап, Си Цзиньпиннің саяси көзқарасын Қытайдың болашағына ықпал ету үшін конституциялық өзгерістерді мақұлдады.
Си Цзиньпин бұл мәлімдемеден кейін Бейжіңдегі Халық мәжіліс залында партия мүшелеріне алғыс айтты.
"Мен партия мүшелеріне маған көрсеткен сенімі үшін шын жүректен алғыс айтқым келеді", - деді.
Айта кетейік, 23 қазанда пленум Орталық Комитет Саяси бюросы мен Тұрақты комитетінің жаңа құрамын тағайындады. 69 жастағы Си Цзиньпин Қытай басшылығының қазіргі екі мерзімді шектеулерге қарамастан, үшінші бес жылдық мерзімге бекітілді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек