Әлеуметтік желіде шымкенттік шенеунікке қатысты дау туғызатын видео тарады. Қала әкімдігі жағдайға пікір білдірді, - деп хабарлайды Massaget.kz тілшісі.
Мән-жайы
Видео белсенді, құқық қорғаушы Айгүл Орынбектің әлеуметтік желідегі парақшасында жарияланды.
"Видеода Шымкент қаласы Қаратау ауданының әкімі өз қызметкеріне күш қолданып, ұрып-соғып жатқаны көрінеді", - деп жазды ол.
Әкімдік пікірі
Қала әкімдігі бұл оқиғаға қатысты тексеріс жүргізілетінін мәлімдеді.
"Әлеуметтік желіде аудан әкімдерінің бірі қатысқан болуы мүмкін оқиға бейнеленген видео тарап жатыр. Бұл дерек бойынша оқиғаның барлық мән-жайын жан-жақты анықтау мақсатында қызметтік тексеріс жүргізіледі. Видеода көрсетілген жайттар расталса, Қазақстан Республикасының қолданыстағы заңнамасына сәйкес тиісті шаралар қабылданады. Тексеріс аяқталғанға дейін асығыс қорытынды жасамауды сұраймыз. Тексеріс нәтижесі қосымша хабарланады", - деп жазылған хабарламада.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова