Шымкентте полицейлер заңсыз көші-қон арнасын тоқтатты, - деп хабарлайды Massaget.kz тілшісі.
Прокуратураның үйлестіруімен жүргізілген жедел іздестіру іс-шаралары нәтижесінде Шымкентте заңсыз көші-қон арнасын ұйымдастырып келген қылмыстық топ әшкере болды.
Күдіктілер ақшалай сыйақы үшін шетел азаматтарының ел аумағына келуін ұйымдастырған.
"Операция барысында 28 тінту іс-шарасы жүргізілді. Нәтижесінде ондаған шетелдік паспорт, ұйымдастыру техникасы, байланыс құралдары, түрлі бланкілер мен жалған еңбек шарттары тәркіленді. Сонымен қатар, ірі көлемдегі ақша және тіркелмеген қару табылды. Қылмыстық топтың ұйымдастырушысы уақытша ұстау изоляторына қамалды. Осы арнаға қатысы бар 13 адам полицияға жеткізілді. Бұл дерек бойынша соталды тергеп-тексеру басталды", - деді ІІМ өкілі.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова