Шымкентте құлыптаулы пәтерде қалған зейнеткер құтқарылды
![Шымкентте құлыптаулы пәтерде қалған зейнеткер құтқарылды](/userdata/news/news_103848/image_l.png)
Фото:
видео кадры
Құтқарушылар зейнеткерді құлыптаулы пәтерден алып шықты. Бұл туралы Төтенше жағдайлар министрлігінің баспасөз қызметі өкілдері мәлімдеді, - деп хабарлайды Massaget.kz тілшісі.
Кеше 112 қызметіне Шымкенттегі көпқабатты тұрғын үйдің пәтерлерінің бірінде есік тарс жабылып, ішінде егде әйелдің қалып қойғаны туралы хабарлама келіп түскен. Оқиға орнына жеткен жедел-құтқару жасағының құтқарушылары арнайы құралмен есікті ашты.
Төтенше жағдайлар министрлігі балалар мен қарт адамдарды қараусыз қалдырмауды сұрайды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек