Шымкентте қомақты ақша жымқырған бапкерлер сотталды
![Шымкентте қомақты ақша жымқырған бапкерлер сотталды](/userdata/news/news_103019/image_l.png)
Шымкент бапкерлері бюджет қаражатын жымқырды деген айыппен сотталды, - деп хабарлайды Massaget.kz тілшісі қалалық прокуратураға сілтеме жасап.
Сот үкімімен Шымкент қаласы Дене шынықтыру және спорт басқармасының спорт мектептерінің жаттықтырушылары бюджет қаражатын жымқыру дерегі бойынша 1 және 2 жыл мерзімге бас бостандығын шектеу жазасына сотталды.
Сот талқылауы барысында жаттықтырушылар 2022 жылдан 2023 жылға дейінгі мерзім аралығында спортшылардың Алматы, Тараз қалалары мен Түркістан облысында оқу-жаттығу жиындарына барғаны туралы жалған жол жүру құжаттарын ұсынып, 6 миллион теңгеден аса қаржыны жымқырғаны анықталды.
Мемлекетке келтірілген шығын толығымен өтелді.
Құқық қорғау органдары мемлекет қаржысын ұрлауға қарсы қылмыстарды анықтау және жолын кесу бойынша тұрақты жұмыс жүргізіп жатыр.
Аптаның басты оқиғалары мен пайдалы видеоларды көру үшін YouTube арнамызға жазылыңыз
С. Бөлек