Шымкентте жол ережесін бұзып көрмеген жүргізушілер марапатталды

Шымкент көшелерінде ерекше рейд өтті, онда патрульдік полицейлер толығымен заңға бағынған автокөлік тізгіндеушілерді анықтады, - деп хабарлайды Massaget.kz тілшісі.

Полицейлер жол жүру ережесін ешқашан бұзбаған жүргізушілерді қалалық полиция департаменті бастығының алғыс хаттарымен марапаттады.

Олардың арасында 57 жастағы Шахадат Саитова бар.

"Балам балабақшаға барған кезде көлік жүргізе бастадым, ол қазір 23 жаста. Жол ережесін бұзбаңыздар", - деді ол.

Қала тұрғыны 20 жылдан астам көлік жүргізіп келеді және осы уақыт ішінде жол қозғалысы ережелерін бірде-бір рет бұзған емес.

Аптаның басты оқиғалары мен пайдалы видеоларды көру үшін YouTube арнамызға жазылыңыз