Шымкентте жанармай құю бекетінің резервуарына найзағай түсті
![Шымкентте жанармай құю бекетінің резервуарына найзағай түсті](/userdata/news/news_83369/image_l.jpg)
Фото:
"Отырар"
Шымкентте жанармай құю бекеттерінің бірінде 11 тонна дизель отыны бар жерасты резервуарына найзағай түсті, - деп хабарлайды Massaget.kz тілшісі "Отырар" сайтына сілтеме жасап.
Басылым мәліметінше, 12 мамырда Шымкент қаласының ТЖД кезекші-диспетчерлік қызметіне найзағай разряды жанармай құю бекетінің резервуарына түскені туралы хабарлама келіп түсті.
Фото: "Отырар"
Оқиға "Тұран" ауданында, Байтұрсынов көшесіндегі "Ладушки" кафесінің қасындағы "TS" жанармай құю бекетінде болған.
"Өрт болмады. Құтқарушылар резервуарға көбік құйып, цистернаны суытты. Зардап шеккендер жоқ", - делінген хабарламада.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина