Шымкентте газ жабдығы орнатылған Audi көлігі өртенді, - деп хабарлайды Massaget.kz тілшісі Оtyrar.kz мәліметіне сілтеме жасап.
16 желтоқсанда Қонаев даңғылында газ жабдығы орнатылған Audi A6 көлігінің мотор бөлігінен өрт шыққан. Өртсөндірушілердің жедел әрі үйлесімді әрекеттерінің арқасында өрт 23 минут ішінде толық сөндірілгені айтылды.
Басылым мәліметінше, оқиға салдарынан зардап шеккендер мен қаза тапқандар жоқ. Өрттің шығу себептері анықталып жатыр.
Өртті сөндіруге Шымкент ТЖД-ның 3 техникасы мен 10 қызметкері, сондай-ақ апаттар медицинасы орталығының 1 техникасы мен 3 қызметкері жұмылдырылған.
Айта кетейік, бұған дейін Талғарда екі ер адамның жанжалы видеоға түсіп қалғаны туралы хабарланған болатын.
Куәгерлердің айтуынша, олардың бірінің қолында пышақ болған. Ол қарсыласына: "Қарныңды ақтарамын!" деп айқайлаған.
Қызықты жаңалықтар мен видеоларды көру үшін TikTok арнамызға жазылыңыз!