Шымкентте есірткі сатқан 5 адам ұсталды

Шымкентте полиция есірткі сатушылар тобын ұстады, - деп хабарлайды Massaget.kz тілшісі.

Қалада есірткі өткізумен айналысатын бес ер адам ұсталды.

Күдіктілердің бірінің үйінде арнайы желдету жүйесімен, жарықдиодты шамдармен, ылғалдылықты өлшеу құралдарымен, желдеткіштермен, термометрлермен және автоматты суару жүйесімен жабдықталған қарасора өсіру бөлмесі анықталды.

Фитолаборатория жойылып, өсірілген 46 қарасора бұталары мен құрал-жабдықтар тәркіленді.

"Күдіктілерден 17 доза синтетика және 30 грамнан аса кептірілген марихуана тәркіленді. Іс бойынша қылмыстық іс тіркеліп, тергеу жүргізіліп жатыр", - деп жазылған хабарламада.

Күдіктілер қамауға алынды.

Instagram парақшамызға жазылып, ең қызықты ақпараттарды бірінші болып оқыңыз!