Шымкентте TikTok-тағы тікелей эфир кезінде балағат сөздер айтып, әдеп нормаларын өрескел бұзған адам анықталды, - деп хабарлайды Massaget.kz тілшісі.
Қаланың Полиция департаменті мәліметінше, тексеріс нәтижесінде құқық бұзған адам Қызылорда облысының 23 жастағы тумасы екені белгілі болған.
"Ол сот шешімімен 7 тәулікке әкімшілік қамауға алынды", - деді полиция.
Полиция департаменті өкілдері әлеуметтік желідегі тікелей эфир кезінде әдепсіз әрекеттерге бару жауапкершілікке әкеп соғатынын ескертті.
Қызықты жаңалықтар мен видеоларды көру үшін TikTok арнамызға жазылыңыз!