Шымкентте белгілі кәсіпкер және бұрынғы депутат қайтыс болды
![Шымкентте белгілі кәсіпкер және бұрынғы депутат қайтыс болды](/userdata/news/news_86713/image_l.jpg)
Шымкентте белгілі кәсіпкер, қалалық мәслихаттың бірнеше шақырылымының экс-депутаты Оспаналиева Рәшкүл Жәлелқызы 62 жасында дүниеден өтті. Бұл туралы OTYRAR хабарлады, - деп хабарлайды Massaget.kz тілшісі.
Қаза туралы экс-депутаттың туыстары хабарлады. Өлімнің себебі әлі белгісіз, делінген хабарламада.
Рәшкүл Оспаналиева 1961 жылы Жамбыл облысы, Абай ауылында дүниеге келген. 1984 жылы Жамбыл жеңіл және тамақ өнеркәсібі технологиялық институтының Алматы филиалын инженер-технолог мамандығы бойынша бітірген. 1978-1995 жылдар аралығында бастауыш сынып мұғалімі болып жұмыс істеген.
95-жылы Рәшкүл Жәлелқызы өзін кәсіпкер ретінде сынап көруді ұйғарған, оның алғашқы кәсібі шаштараз болды. Кейін жұбайы Әлішер Наматиллаұлы Толыбаевпен бірігіп ұн тарту зауытын ұйымдастырған.
2007 жылы Рәшкүл Жәлелқызы "Береке А" құрылыс компаниясының бас директоры болды.
"Рәшкүл Жәлелқызы шенеуніктерге ыңғайсыз сұрақтарын қоюдан тартынбай, халықтың игілігі үшін еңбек етті. Сол үшін шымкенттіктер оны құрметтейтін", - делінген некрологта.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Д. Шәріпхан