Шымкент тұрғындарын өрттен шыққан қара түтін шошытты
![Шымкент тұрғындарын өрттен шыққан қара түтін шошытты](/userdata/news/news_87180/image_l.jpg)
Фото:
Otyrar.kz
Шымкентте қара түтін қала тұрғындарын шошытты, - деп хабарлайды Massaget.kz тілшісі Otyrar.kz-ке сілтеме жасап.
Оқиға 15 шілдеде күндіз Шымкенттегі Қазыбек би көшесінде болып, құрылысы аяқталмаған екі қабатты үйдің шатыры өртенді. Қара түтін қала тұрғындарын шошытты.
Қала тұрғындарының айтуынша, ғимараттың жанында жанармай құю бекеті бар.
Оқиға орнына ТЖК-нің №1 шақыруы бойынша құтқару күштері мен құралдары жіберілді. Өрт ауыздықталып, толығымен сөндірілді.
Қаза тапқандар мен жарақат алғандар туралы ақпарат түскен жоқ. Өрттің шығу себебі әлі белгісіз.
Бұған дейін Шымкенттің орталығында тағы бір ірі өрт сөндірілгені хабарланды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек