"Шымбұлақ" әкімшілігі өрттің мән-жайын айтты
!["Шымбұлақ" әкімшілігі өрттің мән-жайын айтты](/userdata/news/news_77623/image_l.jpg)
"Шымбұлақ" әкімшілігі өрттің мән-жайын айтты, - деп хабарлайды Massaget.kz тілшісі.
"Шымбұлақ" ТШК баспасөз қызметінің мәліметінше, 29 қаңтарда "Талғар асуы 3200" аспалы жол станциясы "Шымбұлақ" тау курортында орналасқан Oblaka мейрамханасында өрт шықты.
"Алдын ала мәліметтер бойынша, өрт таңғы сағат 4-те, үшінші қабатта шыққан.
Курорттың кезекші қызметінің жедел жұмысының арқасында адамдар дер кезінде эвакуацияланды. Зардап шеккендер мен құрбандар жоқ", - деді ведомство өкілдері.
Сондай-ақ, қазір Комби-2 аспалы жолының жұмысы тоқтатылғаны, Талғар және Сол Талғар тасжолдары өрт сөндірілгенге дейін және залал анықталғанға дейін жабылғаны белгілі.
ТЖМ өкілдері өрт таңғы сағат 08.30-да сөндірілгенін айтты.
"Құрбандар мен зардап шеккендер жоқ, өрттің шығу себебі анықталып жатыр. Өртенген аумақ анықталып жатыр", - деді құтқарушылар.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек