Шығыс Қазақстанда бүтін бір отбасы адасып кеткен

ШҚО ТЖД мәліметінше, Өскемен қаласының үш тұрғыны және 2010 жылы туған бала бірнеше күн бұрын омартаға шығып, адасып кеткен. Құтқарушылар оларды іздеуге шыққан, - деп хабарлайды Massaget.kz тілшісі.

Ведомство мәліметінше, құтқарушылар қар басқан, ұзақ шақырым жолды еңсеруге мәжбүр болды. Нәтижесінде 4 желтоқсанда ТЖД қызметкерлері Киреевка ауылынан үш шақырым жерде орналасқан омарталардың бірінен отбасын тапты.

"Олардың көлігі бұзылып қалғаны, өз бетінше елді мекенге орала алмағаны белгілі болды. Адамдар Өскеменге жеткізілді. Бақытымызға орай, оларға медициналық көмек қажет болмады", - деді ШҚО ТЖД өкілі.

ШҚО ТЖД

Қызықты жаңалықтар мен видеоларды көру үшін TikTok арнамызға жазылыңыз!