Шүкенов, FIFA, ғарыш. Айналымға ерекше монеталар шығады
![Шүкенов, FIFA, ғарыш. Айналымға ерекше монеталар шығады](/userdata/news/news_80484/image_l.png)
Қазақстан Ұлттық банкі 2023 жылғы 28 наурыздан бастап жаңа коллекциялық монеталардың сатылымға шығатынын мәлім етті, - деп хабарлайды Massaget.kz тілшісі.
"Қазақстанды монеталар арқылы зертте!" сериясынан Street art. BATYR BEINESI коллекциялық монетасы.
Сынамасы 925/1000 күміс монетасы түрлі түсті баспа технологиясы арқылы дайындалған. Массасы - 31,1 грамм, мөлшері - 30х45 миллиметр, дайындау сапасы - proof, номиналы 500 теңгелік, таралымы 5 000 дана.
"Спорт" монеталар сериясымен шыққан FIFA WORLD CUP QATAR 2022 коллекциялық монеталарында алтын жалату технологиясы қолданылған. 925/1000 сынамасы бар күміс монеталардың массасы - 20 грамм, диаметрі - 37 миллиметр, дайындау сапасы - proof, номиналы 100 теңгелік, Қазақстанның ішкі нарығына арналған саны - 3 650 дана.
Номиналы 100 теңгелік нейзильбер қоспасынан SALIÝT-1 монеталарының бейнесі
"Ғарыш" монеталар сериясымен шыққан SALIÝT-1 коллекциялық монеталары нейзильбер қоспасынан (МН 15-20) тұрады. Массасы - 11,17 грамм, диаметрі - 31 миллиметр, дайындау сапасы - uncirculated, номиналы - 100 теңгелік, таралымы - 100 000 дана.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек