Шуда оқ-дәрі салынған сөмке табылды

Шуда оқ-дәрі салынған сөмке табылды, - деп хабарлайды Massaget.kz тілшісі polisia.kz-ке сілтеме жасап.

"Қару" іс-шарасы аясында Шу қаласының темір жол өткелінің жанында орналасқан қараусыз қалған ғимараттан сөмке табылды.

Табылған сөмкенің ішінен 12 калибрлі ИЖ екі ұңғылы тегіс ұңғылы мылтық, 12 калибрлі ТОЗ-63  кесілген қос ұңғылы мылтық, жарық шу гранатасы, 91 түрлі калибрлі патрон, бір жұп тізе таңғыш және дене сауытының қабы табылды.

"Қазіргі уақытта Қазақстан Республикасы Қылмыстық кодексінің 287-бабы 3-бөлігі (Атыс қаруын (тегiс ұңғылы аңшылық қаруынан басқа), оқ-дәрiлердi, жарылғыш заттарды немесе жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру) бойынша сотқа дейінгі тергеу амалдары басталды және сараптама тағайындалды", - деді полиция департаменті ЕҚҚІБ бастығы Әлім Бажықбаев.

Қызықты жаңалықтар мен видеоларды көру үшін TikTok арнамызға жазылыңыз!