• 502.15
  • 490.7
  • 5.71

Шу тұрғыны үйінде аса ірі көлемде есірткі сақтаған

Шу тұрғыны үйінде аса ірі көлемде есірткі сақтаған
Фото: polisia.kz

Жамбыл облысында Шу қаласының 41 жастағы тұрғынына қатысты қылмыстық іс қозғалды. Ол есірткі заттарын аса ірі мөлшерде заңсыз дайындады және сақтады деген күдікке ілінді, - деп хабарлайды Massaget.kz тілшісі.

Ер адамның үйін және іргелес аумақтарды тінту кезінде есірткі қойылған бірнеше жасырын орындар анықталды.   

Сараптама нәтижелеріне сәйкес, табылған заттар салмағы екі келіден асатын гашиш және 23 грамнан астам кептірілген марихуана болып шықты.

Күдікті есірткіні әйелі мен кәмелетке толмаған үш баласы бола тұра бірге тұратын үйлерінде сақтаған. Есірткіні өңдегеннен кейін қалған қалдықтарын жақын жерде кішкентай балалар ойнап жүргеніне қарамастан, бақшасында өртеп жіберген. 

Қазіргі уақытта тергеу әрекеттері жүргізіліп жатыр. Күдікті уақытша ұстау изоляторына қамалды. Есірткіні аса ірі мөлшерде сақтағаны үшін жеті жылға дейін бас бостандығынан айырылу қаупі қарастырылған.

Instagram парақшамызға жазылып, ең қызықты ақпараттарды бірінші болып оқыңыз!

М. Лес