Шілде айындағы 42 500 теңге қалай беріледі?
![Шілде айындағы 42 500 теңге қалай беріледі?](/userdata/news/news_62723/image_l.jpg)
Қазақстанның премьер-министрі Асқар Мамин елімізде карантиннің ұзартылуына байланысты тағайындалған 42 500 теңге көлеміндегі көмекті нақты кімдер алатынын айтты, - деп хабарлайды Tengrinews.kz тілшісі.
- Мемлекет басшысының тапсырмасы бойынша шектеу шаралы кезінде табысынан айырылғандарға әлеуметтік жәрдемақы ең төменгі жалақы мөлшеріндегі 42 500 теңгені бір айға төлеу жөнінде шешім қабылдап отырмыз. Төлем карантин шараларының күшейтілуіне байланысты жұмысы шектелген жұмыс берушілердің, жеке кәсіпкерлердің және өзін-өзі жұмыспен қамтығандар өтінімі негізінде жүргізіледі, - деді ол үкімет отырысында.
Сондай-ақ, Асқар Мамин еңбек және халықты әлеуметтік қорғау министрлігіне тапсырма берді.
- Еңбек министрлігіне төтенше жағдай кезеңіндегідей азаматтардың жекелеген санаттарына азық-түлік өнімдеріне және ақшалай көмек беруді жалғастырсын. Бұл - 1 миллионнан астам адам, - деді үкімет басшысы.
Айта кетейік, кеше Мемлекет басшысы Қасым-Жомарт Тоқаев елімізде карантин тағы екі аптаға созылатынын, мұқтаж жандарға 42 500 теңге берілетінін айтқан еді.
Н. Үсенова