ШҚО-да тұрғындар қант аламыз деп 30 миллион теңгесінен айырылған

Фото: depositphotos.com

30 қазан 2024, 15:57

Қант алмақ болған ШҚО тұрғындары 30 миллион теңге шығынға батты, - деп хабарлайды Massaget.kz тілшісі.

Полицияға облыстың 19 тұрғыны жүгінген. Оларға әйел қант жеткізіп беруге уәде беріп, ақшаны алғаннан кейін хабарсыз кеткен.

"Жалпы шығын шамамен - 30 миллион теңге. Тәртіп сақшылары алаяқтық жасады деген күдікпен 31 жастағы әйелді ұстады", - деп жазылған хабарламада.

Бұл дерек бойынша қылмыстық іс қозғалды, күдіктінің басқа да қылмысқа қатысы бар-жоғы анықталып жатыр.

Сот күдіктіге үй қамағы түріндегі процестік мәжбүрлеу шарасын қабылдады.