ШҚО ПД Ұлан ауданы полиция басқармасы учаскелік полиция инспекторы Бақытжан Өтеулин мен жүргізуші Алтынбек Мязев бір отбасын түтіндеген үйден құтқарып қалды, - деп хабарлайды Massaget.kz тілшісі.
Полицейлер Қасым Қайсенов кентінде Байделдинов көшесіндегі үйден көшеге жүгіріп шығып, көмек сұраған қызды кездестірген. Ол үйде жылу жүйесі апатынан бөлме түтінге толып, оның отбасының өміріне қауіп төніп тұрғанын айтқан.
Тәртіп сақшылары дереу үйге кіріп, балалары бар әйелді далаға алып шықты. Бұл жағдайға бітеліп қалған құбыр және бу жіберетін қазанның дұрыс жұмыс істемеуі себеп болған.
"Біз бірден әрекет етіп, отбасын қауіпсіз жерге шығарып, түтіннің шығу жолын жойдық. Ең бастысы - қайғылы жағдайдың алдын алып, уақытында үлгердік", - деді полиция қызметкері Бақытжан Өтеулин.
Әйел полиция қызметкерлеріне алғысын айтып, ризашылығын білдірді.
Қызықты жаңалықтар мен видеоларды көру үшін TikTok арнамызға жазылыңыз!