ШҚО-да көліктік бақылау инспекциясының 7 қызметкері сотталды

Фото: ©Тұрар Қазанғапов

28 маусым 2022, 12:01

ШҚО көліктік бақылау инспекциясының 7 қызметкері сыбайлас жемқорлық дерегіне қатысы болғаны үшін сотталды, - деп хабарлайды Massaget.kz Сыбайлас жемқорлыққа қарсы қызмет агенттігінің баспасөз қызметіне сілтеме жасап.

"2022 жылы Шығыс Қазақстан облысы көліктік бақылау инспекциясының 7 қызметкері жүйелі сыбайлас жемқорлық үшін сотталды. Олар 2021 жылғы шілде-қыркүйек аралығында алдын ала сөз байласу арқылы жүк тасымалдаушыларға облыс аумағында кедергісіз жүріп-тұруына көмектескені және жалпы қамқорлық үшін 10-нан 300 мың теңгеге дейін пара алды", - делінген хабарламада.

Ж. Қадыржанова