ШҚО-да ауа райының қолайсыздығына байланысты жолдар жабылды

Шығыс Қазақстан облысында көлік қозғалысын шектеулер қойылды, - деп хабарлайды Massaget.kz тілшісі "ҚазАвтоЖол" мәліметіне сілтеме жасап.

"2025 жылғы 4 қаңтарда сағат 15:00-дан бастап Шығыс Қазақстан облысында ауа райының қолайсыздығына байланысты Өскемен - Алтай - Үлкен Нарын - Қатонқарағай - Рахманов кілттері автожолының 6-166 шақырым аралығында (Ушановское ауылынан Алтай қаласына дейін) көліктің барлық түрінің қозғалысына шектеу қою жоспарланған", - делінген хабарламада.

2025 жылғы 5 қаңтар сағат 07:00-де жолды ашу жоспарланған. 1403 байланыс орталығына хабарласып, тәулік бойы қосымша ақпарат алуға болады.

Еске салайық, бұған дейін Астана - Щучинск тасжолында 95 көлік пен 20 адам зардап шеккен жаппай жол апаты болғаны хабарлған еді. Кейін оқиғаның қалай басталғаны түсірілген видео пайда болды.

Аптаның басты оқиғалары мен пайдалы видеоларды көру үшін YouTube арнамызға жазылыңыз