ШҚО-да 20 жастағы тұрғын есірткі сатты деген күдікке ілінді
![ШҚО-да 20 жастағы тұрғын есірткі сатты деген күдікке ілінді](/userdata/news/news_106384/image_l.jpg)
ШҚО-да 20 жастағы тұрғын есірткі сатты деген күдікке ілінді, - деп хабарлайды Massaget.kz тілшісі Polisia.kz сайтына сілтеме жасап.
Полицейлер жігітті қала жағажайының маңында есірткіні қойып жатқан жерінен ұстаған. Оны тінту кезінде жедел уәкілдер изолентамен оралған ерекше иісі бар ұнтақ затпен 8 полимерлі пакетті және оның сөмкесінен сондай зат салынған 10 пакетті тәркілеген.
Сонымен қатар, күдіктінің тұрғылықты жерінен полиция қызметкерлері жалпы салмағы 42 грамнан асатын α-PvP психотроптық заттарын тәркілеген, бұл қара нарықта 140 реттік дозаны құрайды.
Күдіктіге қатысты есірткі құралдарын заңсыз сақтағаны және өткізгені үшін қылмыстық іс қозғалды, оған мүлкін тәркілеумен он бес жылға дейінгі мерзімге бас бостандығынан айыру жазасы күтіп тұр.
Аптаның басты оқиғалары мен пайдалы видеоларды көру үшін YouTube арнамызға жазылыңыз
С. Сатыбалдина