Шетелге саяхаттамақ болған ақмолалық күтпеген жайтқа тап болды
![Шетелге саяхаттамақ болған ақмолалық күтпеген жайтқа тап болды](/userdata/news/news_112118/image_l.jpg)
Шетелге саяхаттамақ болған ақмолалық тұрғын алаяққа алданып қалды, - деп хабарлайды Massaget.kz тілшісі Polisia.kz сайтына сілтеме жасап.
Туристік жолдамамен алаяқтықты Ақмола облысындағы полицейлер тергеп жатыр. Шетелде жазғы демалысты жоспарлау кезінде жағымсыз оқиға елордалық Қосшы қаласының тұрғынымен болды. Шілде айында ақмолалық азамат Instagram әлеуметтік желісінен шетелге турларды сату және ұсыну парақшасын байқап қалған.
Содан қызығушылық танытқан әйел өзіне және отбасына Түркияға 1 296 000 теңге тұратын тур тапты. Сол күні өтініш беруші онлайн төлем жасаған. Ал сатушы жолдамалар клиенттің электрондық поштасына бір тәулік ішінде түсетінін айтқан. Алайда кейіннен ақмолалық тұрғын билеттерді де, ақшаны да алмаған.
Алаяққа тап болғанын білген әйел Қосшы қаласының полиция бөліміне жүгінді. Осы факті бойынша тергеушілер сотқа дейінгі тергеуді бастады, ал заттай дәлелдемелер ретінде хат-хабарламалар мен төлем туралы түбіртектер алынды. Қ
азіргі уақытта тергеу жалғасып жатыр. Полиция қызметкерлері аймақ тұрғындары мен қонақтарын интернет-дүкендер немесе әлеуметтік желілер арқылы кез келген тауарлар мен қызметтерді сатып алу кезінде қырағы болуға шақырады. Анық-қанығына көз жеткізбей, үшінші тұлғаларға ақша аудармаңыз.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина