Шетелдікке тұрмысқа шыққандарға салық салу: Қарақат Әбден жауабы

Депутат Қарақат Әбден шетелдіктерге тұрмысқа шыққан қазақ қыздарына салық салу идеясына қатысты сұраққа жауап берді, - деп хабарлайды Massaget.kz тілшісі.

"Бұл идеяны бір кездері дұрыс түсінбеді. Сондықтан ол талқыланбайды. Мен бұл сұраққа толық, егжей-тегжейлі жауап бердім (әлеуметтік желілерде)", - деді Қарақат Әбден Парламент палаталарының кулуарында. 

Депутат шетелдіктерге тұрмысқа шыққандарға салық туралы заң болмайтынын айтты.

Еске салайық, былтыр 11 қарашада президенттікке кандидаттардың теледебаттары кезінде Қарақат Әбден шетелдіктерге тұрмысқа шыққан қазақ қыздарына ірі көлемде салық енгізуді ұсынған болатын.

Кейін Мәжілісте депутат Әбден бұл мәселе бойынша тағы да сөз сөйлеп, бұрын айтылған елде шетелдіктермен некеге тұруға салық енгізу мәселесін қарастыру туралы ойдан бас тартпағанын айтты.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!