Шерзаттың үйін полиция әлі күзете ме?

Талғарлық Шерзат Болаттың отбасын патрульдік көлік тәулік бойы бақылайды. Бұл туралы марқұм Салтанат Нүкенованың ағасы Айтбек Амангелді "Азия. В центре" Youtube-арнасына берген сұхбатында айтты, - деп хабарлайды Massaget.kz тілшісі.

Оның сөзінше, отбасына екі қызметкер көмек көрсетеді. 

"Отбасы мен үйді екі қызметкері бар патрульдік көлік тәулік бойы бақылайды. Қызметкерлер жергілікті жігіттер емес, яғни Талғар ПД-дан емес, облыстан арнайы жіберілген қызметкерлер. Отбасы мүшелері үнемі тергеу барысында жүргендіктен, оларды да қызметкерлер сүйемелдейді. Жәбірленуші отбасы өз көлігімен жүреді, олармен бірге патрульдік көлік жүреді. Қаржаубай мен Гүлбардың 5 баласы болды, қазір төртеу. Екі бала әлі өте кішкентай, олар 2022-2023 жылдары туған, яғни олар не болып жатқанын әлі толық түсінбейді және негізінен үйде. Ал жасөспірім жастағы ес жиған балалар да негізінен үйде болады, өйткені олардың қазіргі уақытта оқу орнына бара алмайтыны туралы білім беру органдарына хабарланды. Бұл - мұндай жағдай үшін түсінікті мәселе, тергеу жағынан емес, олар үлкен ағасынан айырылды", - деді Айтбек Амангелді.

Еске салайық, Талғарда 4 қазанға қараған түні жасөспірім көз жұмды, кейінірек өңірдің полиция департаменті осы оқиғаға қатысты мәлімдеме жасады. Ал марқұм Шерзаттың отбасы бұл жайтқа қатысы барлардың бәрін ұстап, жазалауды талап етті. Қалаға ІІМ тобы жіберілді.

Талғардағы қайғылы оқиға: бейнебақылау камераларының жазбалары өшірілгені рас па?

Марқұм Салтанат Нүкенованың ағасы Талғарда көз жұмған Шерзаттың отбасына тегін қорғаушы ұсынды. Сонымен қатар Алматы облысы полиция департаменті өкілі Талғардағы жаппай төбелесте күдіктілер қандай суық қару қолданғанын айтты.

“Қазақ болып күресеміз“. Заңгер Талғардағы жасөспірімнің өліміне қатысты істі соңына дейін жеткізетінін айтты

Кейінірек полиция тағы да мәлімдеме жасап, халық арасында тараған, "Талғардағы жасөспірімнің өліміне бандиттердің қатысы бар" деген ақпаратқа пікір білдірді. Ал 12 қазанда Шерзат Болаттың үйі өртеніп кетті. Артынша марқұмның отбасын полиция күзететін болды.

Талғарда қаза тапқан жасөспірімнің үйі өртенді: оқиға орнынан фотолар 

Қызықты жаңалықтар мен видеоларды көру үшін TikTok арнамызға жазылыңыз!