Полицейлер 16 жастағы Шерзат Болаттың өліміне қатысты тағы бір адамды ұстады, - деп хабарлайды Massaget.kz тілшісі.
Алматы облыстық полиция департаментінің мәліметінше, 17 қазанда Шерзатты өлтіру дерегі бойынша жүргізілген қылмыстық істі тергеу аясында К. есімді тағы бір күдікті ұсталды.
"Қазір оқиғаның барлық мән-жайын анықтауға бағытталған жедел-іздестіру шараларының кешені жалғасып жатыр", - делінген хабарламада.
Талғарда Шерзат Болаттың өліміне қатысты іс бойынша 11 адам ұсталды. Бұған дейін 10 күдікті туралы хабарланған болатын.
Еске салайық, Талғарда 4 қазанға қараған түні жасөспірім көз жұмды, кейінірек өңірдің полиция департаменті осы оқиғаға қатысты мәлімдеме жасады. Ал марқұм Шерзаттың отбасы бұл жайтқа қатысы барлардың бәрін ұстап, жазалауды талап етті. Қалаға ІІМ тобы жіберілді.
Талғардағы қайғылы оқиға: бейнебақылау камераларының жазбалары өшірілгені рас па?
Марқұм Салтанат Нүкенованың ағасы Талғарда көз жұмған Шерзаттың отбасына тегін қорғаушы ұсынды. Сонымен қатар Алматы облысы полиция департаменті өкілі Талғардағы жаппай төбелесте күдіктілер қандай суық қару қолданғанын айтты.
Кейінірек полиция тағы да мәлімдеме жасап, халық арасында тараған "Талғардағы жасөспірімнің өліміне бандиттердің қатысы бар" деген ақпаратқа пікір білдірді. Ал 12 қазанда Шерзат Болаттың үйі өртеніп кетті. Артынша марқұмның отбасын полиция күзететін болды.
Талғарда қаза тапқан жасөспірімнің үйі өртенді: оқиға орнынан фотолар
Аптаның басты оқиғалары мен пайдалы видеоларды көру үшін YouTube арнамызға жазылыңыз