Шенеуніктер мен қауіпсіздік күштеріне казиноға кіруге тыйым салынады
![Шенеуніктер мен қауіпсіздік күштеріне казиноға кіруге тыйым салынады](/userdata/news/news_88842/image_l.jpg)
Қазақстан шенеуніктері мен қауіпсіздік күштеріне қызметтік қажеттілікті қоспағанда, ойын нысандарына барудан бас тарту ұсынылады. Бұл "Қазақстан Республикасы Президентінің кейбір жарлықтарына өзгерістер мен толықтырулар енгізу туралы" Жарлық жобасында көзделген, - деп хабарлайды Massaget.kz тілшісі "Ашық НҚА" сайтына сілтеме жасап.
Құжат Президенттің жарлықтарына мынадай өзгерістер енгізуді көздейді:
- "Қазақстан Республикасы Қарулы Күштерінің, басқа да әскерлері мен әскери құралымдарының жалпыәскери жарғыларын бекіту туралы";
- "Қазақстан Республикасы мемлекеттік қызметшілерінің әдептілік нормаларын және мінез-құлық қағидаларын одан әрі жетілдіру жөніндегі шаралар туралы";
- "Қазақстан Республикасының құқық қорғау органдары, азаматтық қорғау органдары және мемлекеттік фельдъегерлік қызметі қызметкерлерінің әдеп кодексін бекіту туралы".
Атап айтқанда, әскери қызметшілердің міндеттері, сондай-ақ құқық қорғау органдарының, азаматтық қорғау органдарының және мемлекеттік фельдъегерлік қызмет қызметкерлеріне, сондай-ақ мемлекеттік қызметшілерге қойылатын талаптарға "Ойын бизнесі туралы" заңда көзделген ұйғарымға жататын ойын мекемесіне барудан бас тарту жүктеледі. Бұл жағдайда қызметтік қажеттілікке байланысты казиноға бару ерекше жағдай болуы мүмкін. Бұл әскери қызметшілерге қатысты емес.
"Түзетулер беделге төнетін тәуекелдерді азайтуға, оның өкілдері тарапынан мемлекеттік органдардың қадір-қасиеті мен беделіне нұқсан келтіретін әрекеттерге жол бермеуге бағытталған", - делінген жарлық жобасының түсіндірме жазбасында.
Құжат 28 тамызға дейін қоғамдық талқылауға қолжетімді болады.
Instagram парақшамызға жазылып, ең қызықты ақпараттарды бірінші болып оқыңыз!
Д. Шәріпхан