Шаян татуировкасы бар ер адам ұсталды: Талдықорғанда екі адамның өліміне қатысты істің мән-жайы айтылды
![Шаян татуировкасы бар ер адам ұсталды: Талдықорғанда екі адамның өліміне қатысты істің мән-жайы айтылды](/userdata/news/news_98857/image_l.png)
Талдықорғанда екі адамның өліміне қатысты істің мән-жайы айтылды, - деп хабарлайды Massaget.kz тілшісі. Облыс полиция департаменті басшысының орынбасары Эльдар Әбдікеновтың айтуынша, күдікті көз жұмған адамның танысы болып шықты.
Видео кадры
"1980 жылы туған ер адам бұрын алаяқтық жасағаны үшін сотталған. Күдікті бірнеше күн бойы облыс орталығының көпқабатты үйлерінің біріндегі жертөледе жасырынып жүрді. Қазір ер адам ұсталып, қамауға алынды. Мойындау айғақтарына сәйкес, ер адам жәбірленушілердің бірімен алкоголь ішкен кезде қылмыс жасаған. Іс бойынша тергеу ІІМ-нің ерекше бақылауында", - деді облыс ПД басшысының орынбасары Эльдар Әбдікенов.
Еске салайық, Талдықорғанда полиция қызметкерлері екі адамды өлтірді деген күдікпен 43 жастағы ер адамды ұстаған еді.
Оның кейінгі бірнеше күнде көпқабатты үйлердің бірінің жертөлесінде тығылып жүргені белгілі болды. Қазіргі уақытта күдікті қалалық полиция бөліміне жеткізілді.
"Күдікті бұрын сотталған Алматы облысының тумасы болып шықты. Ұсталған адам қазірдің өзінде кінәсін толығымен мойындап отыр", - деп хабарлады полиция.
Жетісу облысының полициясы қарт әйел мен оның 52 жастағы ұлын өлтіру дерегі бойынша тергеу жүргізіп жатыр, олардың мәйіті 5 қаңтарда Талдықорғандағы жер үйлердің бірінен табылған, зорлық-зомбылық белгілері болған.
Видео кадры
Жедел-іздестіру іс-шаралары барысында полицейлер 43 жастағы ер адамның қылмысқа қатысы барын анықтады. Оның жеке басын анықтауға қылмыс орнында қажетті дәлелдер мен іздерді жинаған криминалистер көмектесті.
Талдықорған полициясы мен облыстық департаментінің қызметкерлері күдіктіні іздеуге және ұстауға кірісті. Күдіктіге қатысты ақпарат әлеуметтік желілерде кеңінен жарияланып, барлық полиция бөлімшелеріне, сонымен қатар жан-жаққа жіберілген.
Тергеу ҚР Қылмыстық кодексінің 99-бабы ("Адам өлтіру") бойынша жүргізіліп жатыр. Ұсталған ер адам қамауға алынды.
Instagram парақшамызға жазылып, ең қызықты ақпараттарды бірінші болып оқыңыз!
С. Бөлек