Шариғат бойынша несиелік, бонустық карталарды және банктен кэшбэкті пайдалануға бола ма? ҚМДБ жауабы

Шариғат бойынша несиелік, бонустық карталарды және банктен кэшбэкті пайдалануға бола ма? ҚМДБ жаңа пәтуа шығарды, - деп хабарлайды Massaget.kz тілшісі "bes.media-ға" сілтеме жасап.

Мәселенің мән-жайы

Мұсылмандар діни басқармасы төлем карталарының түрлеріне қатысты шариғат нормаларына сәйкес кэшбэкті пайдалануға қатысты ұсыныстар беретін пәтуа шығарды.

Дебеттік карталар

Дебеттік карталарды және олар арқылы алынған кэшбэктерді пайдалануға рұқсат етіледі. Себебі дебеттік карталарда пайызбен ақша беру қарастырылмаған.

"Дебеттік карталарды шығаруға және пайдалануға рұқсат етілген. Сондай-ақ, карта ұстаушыға шариғатпен тыйым салынбаған қызмет көрсетуді немесе тауар сатып алған кезіндегі бағасын төмендету сияқты артықшылықтарды қолдануға болады", - делінген ҚМДБ сайтында.

Кредиттік карталар

Кредиттік карталарды пайдалану және олардан кэшбэк алу шектеулі. Бұл өте қажеттілік жағдайында және қарызды пайызсыз алып, уақытында қайтарылған жағдайда ғана рұқсат етіледі. Әйтпесе, алынған кэшбэк қайырымдылыққа аударылуы қажет.

"Бұл картаны пайдалануға тыйым салынады, себебі несиелік карталарда пайыздар бар. Кредиттік картадағы эмитент (банк – Автор) мен клиент арасындағы байланыс қарыз болып саналады. Егер несие картасын пайдалануға тыйым салынса, одан алынған кэшбэкке де жол берілмейді.

Бірақ егер эмитент пайызсыз несие берсе және клиент несиені пайызсыз алып, уақытында қайтаратынына сенімді болса, кейбір ғалымдар қажет болса бұған рұқсат береді. Дегенмен, кэшбэкті қайырымдылыққа жұмсау керек делінген", - делінген ҚМДБ сайтында.

Бонустық карталар

Шариғат талаптарына сәйкес бонустарды жинауға және пайдалануға болады. Оның ішінде клиенттен комиссия алынбайды және рұқсат етілген тауарлар бойынша бонусты пайдалану рұқсат етіледі.

Дисконттық карталар

Мұндай карталарды пайдалануға рұқсат етіледі, егер олар тегін ұсынылса және тауарлар бағасының өсуіне әкелмесе.

"Егер карта тегін шығарылса, оған берілген сыйлықтар мен жеңілдіктерді пайдалануға рұқсат етіледі. Бірақ сатушы жеңілдікке байланысты тауарды қымбаттатпауы керек. Егер дисконттық карта қымбатырақ сатылса, немесе жылдық төлемі бар болса, бұл картаны пайдалануға тыйым салынады, өйткені бұл құмар ойындар болып саналады", - делінген ҚМДБ сайтында.

Ақпарат үшін

Қазақстанда кредиттік карталары сұранысқа ие. Олардың көмегімен қазақстандықтар сатып алу ақысын бөліп төлеуге және несиеге алынған тауар үшін төлей алады.

Instagram парақшамызға жазылып, ең қызықты ақпараттарды бірінші болып оқыңыз!