Шахтерлердің зейнет жасы төмендей ме? Министр жауап берді
![Шахтерлердің зейнет жасы төмендей ме? Министр жауап берді](/userdata/news/news_83497/image_l.jpg)
Еліміздегі шахтерлердің зейнетке шығу жасы төмендей ме? Бұл сұраққа еңбек және халықты әлеуметтік қорғау министрі Тамара Дүйсенова жауап берді, - деп хабарлайды Massaget.kz тілшісі.
"Күні кеше ғана мен жұмыс берушілермен кездестім. Бүгін тағы бір рет бас қосуымыз керек. Жақында біз белгілі бір шешімге тоқталамыз деген сенімдемін", - деді министр.
Жауапты шенеунік қоғамда талқыға түскен осы мәселеге байланысты кез келген уақытта келісімге келуге әзір екенін мәлім етті.
"Мен ертең-ақ белгілі келісімге келуге дайынмын. Алайда бұл тақырыпта біздің серіктестеріміздің де пікірі маңызды. Айдың соңына қарай аталған мәселенің нәтижесі белгілі болып қалады деген ойдамын", - деді Тамара Дүйсенова.
Айта кетейік, Қазақстанда шахтерлердің зейнет жасын төмендету мәселесі былтырдан бері қоғамда кең талқыланып келе жатыр.
Зейнетақы жинағының 50 пайызын алуға болатыны рас па?
Азамат Қойшығара
А. Жапатова