"Іш-құрылысын ақтарған". Алматыдағы мектепте оқушылар теңіз шошқасын өлтірген

Желіде Алматыдағы жекеменшік мектептердің бірінде оқушылар мен мұғалімнің теңіз шошқасын кесіп, іш-құрылысын ақтарып жатқан видео тарады. Бұл оқиғаға қатысты елорданың білім басқармасы өкілдері түсініктеме берді, - деп хабарлайды Massaget.kz тілшісі.

Бұл видео "Белый Бим" жануарларға арналған баспананың Instagram-парақшасында пайда болды. 

Онда теңіз шошқасын алдымен басынан ұрып өлтірілгені, кейін скальпельмен іш-құрылысын ақтарып жатқаны көрінеді. Видео қарағанда, бұл оқиға биология сабағында өтіп жатқан.

Астана білім басқармасы өкілдері бұл оқиғаға қатысты пікір білдірді. 

"Биыл 20 ақпанда ҚР Әкімшілік құқықбұзушылық туралы кодекстің 72-бабына сәйкес Білім беру сапасын қамтамасыз ету департаменті мен білім басқармасының қызметкерлері Алматы қаласындағы "125 Алматы" ЖШС жеке мектебіне әлеуметтік желіде тараған видеоның мән-жайын анықтау мақсатында барды. Түсіндіру барысында бұл оқиғаның 17 ақпанда Алматыдағы жекеменшік мектептің 10-сыныбында биология пәнінен қосымша практикалық сабақта болғаны анықталды. Мұғалімнің айтуынша, ол оқушылардың қалауы бойынша теңіз шошқасының іш-құрылысын көрсету мақсатында "анатомия және физиология" бөлімін қорытындылау мақсатында практикалық сабақ өткізген. Мұндай деректердің алдағы уақытта қайталанбауы үшін мектеп ұстаздарымен түсіндіру жұмыстары жүргізілді", - делінген хабарламада.

Ведомство мәліметінше, мектеп әкімшілігіне қоршаған ортаға құрметпен қарауды қалыптастыру және жануарларға қатыгездік көрсетудің алдын алу бойынша мектепішілік бақылау мен тәрбие жұмысын күшейту бойынша ұсыныстар берілді. Биология пәнінің мұғалімі өз еркімен жұмыстан кетті.

Посмотреть эту публикацию в Instagram

Публикация от Приют для животных Белый Бим? (@shelter_beliybim)

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!