Серік Жұманғарин премьер-министрдің орынбасары - ұлттық экономика министрі болып қайта тағайындалды, - деп хабарлайды Massaget.kz тілшісі.
"Мемлекет басшысының жарлығымен Серік Мақашұлы Жұманғарин Қазақстан Республикасы премьер-министрінің орынбасары – ұлттық экономика министрі лауазымына тағайындалды", - деп жазылған хабарламада.
Ол 1969 жылы Ақтөбе қаласында дүниеге келген. Мәскеу энергетикалық институтын, Е.А. Бөкетов атындағы Қарағанды мемлекеттік университетін, Халықаралық бизнес академиясын тәмамдаған.
1993-2004 жылдары кәсіппен айналысқан.
2005-2006 жылдары - Ақтөбе қаласының Экономика және бюджетті жоспарлау бөлімі бастығының орынбасары; Ақтөбе қаласы кәсіпкерлік бөлімінің бастығы.
2006-2007 жылдары - Табиғи монополияларды реттеу агенттігінің Ақтөбе облысы бойынша басқармасы бастығының орынбасары.
2007-2008 жылдары - Табиғи монополияларды реттеу агенттігінің Ақтөбе облысы бойынша басқармасының бастығы; Табиғи монополияларды реттеу агенттігінің Ақтөбе облысы бойынша департаменті директоры.
2008-2010 жылдары - Индустрия және сауда министрлігі Сауда комитеті төрағасының орынбасары, Сауданы дамыту департаментінің директоры; "Қазақстандық келісім-шарт агенттігі" АҚ басқарма төрағасының орынбасары.
2010-2011 жылдары - "NadLoc жергілікті қамтуды дамыту ұлттық агенттігі" АҚ басқарма төрағасының орынбасары, бірінші орынбасары.
2012-2013 жылдары - Экономикалық даму және сауда министрлігі Өңірлік саясат және бюджетаралық қатынастар департаментінің директоры; Экономикалық даму және сауда министрлігі Өңірлік даму комитетінің төрағасы.
2013-2014 жылдары - өңірлік даму вице-министрі.
2014-2017 жылдары - Ұлттық экономика министрлігі Табиғи монополияларды реттеу және бәсекелестікті қорғау комитетінің төрағасы.
2017-2019 жылдары - ұлттық экономика вице-министрі.
2019-2020 жылдары - Еуразиялық экономикалық комиссияның Бәсекелестік және монополияға қарсы реттеу жөніндегі алқа мүшесі.
2020-2022 жылдары - Бәсекелестікті қорғау және дамыту агенттігінің төрағасы.
2022-2023 жылдары - премьер-министрдің орынбасары - сауда және интеграция министрі.
2023 жылғы 2 қыркүйекте премьер-министрдің орынбасары болып тағайындалды.
2024 жылғы 6 ақпанда премьер-министрдің орынбасары болып тағайындалды.
2024 жылғы 21 желтоқсанда премьер-министрдің орынбасары - ұлттық экономика министрі болып тағайындалды.
Қызықты жаңалықтар мен видеоларды көру үшін TikTok арнамызға жазылыңыз!