Сербияда Қазақстан азаматы қаза тапты, - деп хабарлайды Massaget.kz тілшісі.
Қазақстанның Сыртқы істер министрлігі Сербияда қаза тапқан Қазақстан азаматының туған-туыстары мен жақындарына қайғыра көңіл айтты.
"Қазақстанның Сербиядағы елшілігі жергілікті құзыретті органдармен бірлесіп, оқиғаның барлық мән-жайын анықтап жатыр. Сонымен қатар, қазақстандық дипломаттар марқұмның туыстарымен тұрақты байланыста болып, оларға жан-жақты консулдық-құқықтық қолдау көрсетіп жатыр", - деп жазылған хабарламада.
Бұл мәселе министрліктің бақылауында екені айтылды.
Бейресми ақпарат бойынша қыз Белград қаласындағы тұрғын үйдің алтыншы қабатынан құлап кеткен. Қаза тапқан қыздың әкесі бейнеүндеу жариялап, мән-жайды білетіндерден хабарласуды өтінген.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова