"Қазгидромет" РМК синоптиктері ертең, 8 ақпанда Алматыда, Астанада және Шымкентте елдің 11 өңірінде ауа райына байланысты ескерту жасады, - деп хабарлайды Massaget.kz тілшісі.
Ұлытау облысында солтүстік-шығыстан жел соғады, облыстың батысында, солтүстігінде екпіні секундына 15-20 метрге жетеді.
Батыс Қазақстан облысында жел солтүстік-шығыстан соғады, күндіз облыстың оңтүстігінде, шығысында екпіні секундына 15-20 метрге жетеді.
Ақтөбе облысының солтүстігінде, шығысында, орталығында жаяу бұрқасын сақталады. Солтүстік-шығыстан жел соғады, облыстың солтүстігінде, шығысында, орталығында екпіні секундына 15-20 метрге, ал Мұғалжар ауданында кей уақыттарда 23-28 метрге дейін жетеді.
Түркістан облысының батысында, оңтүстігінде, таулы және тау бөктерлі аудандарында жаңбыр, қар жауады. Облыстың оңтүстігінде тұман түседі. Шығыстан, оңтүстік-шығыстан жел соғады, облыстың солтүстігінде, таулы аудандарында күші секундына 15-20 метрге жетеді.
Шымкентте таңертең және күндіз жаңбыр жауады, тұман түседі.
Астанада солтүстік-шығыстан жел соғады, түнде екпіні секундына 15-18 метрге жетеді.
Маңғыстау облысында солтүстік-шығыстан жел соғады, облыстың батысында, шығысында екпіні - 15-20 м/с.
Қостанай облысының оңтүстігінде жаяу бұрқасын соғады. Түнде және таңертең облыстың солтүстігінде, шығысында тұман түседі. Солтүстік-шығыстан жел соғады, облыстың оңтүстігінде екпіні - 15-20 м/с.
Атырау облысында солтүстік-шығыстан жел соғады, облыстың солтүстігінде, шығысында екпіні - 15-20 м/с.
Ақмола облысының солтүстігінде, шығысында тұман түседі. Солтүстік-шығыстан жел соғады, облыстың батысында, оңтүстігінде, шығысында екпіні - 15-20 м/с.
Абай облысының солтүстігінде, оңтүстігінде, орталығында тұман түседі. Жел солтүстік-шығыстан соғады, облыстың оңтүстік-батысында екпіні 15-20 м/с-ке жетеді.
Жамбыл облысының оңтүстігінде, таулы аудандарында тұман түседі. Солтүстік-шығыстан жел соғады, облыстың солтүстік-шығысында, таулы аудандарында екпіні 15-20 м/с, күндіз екпіні 23 м/с болады.
Алматы облысының оңтүстігінде, таулы аудандарында кей уақытта тұман түседі, жолдарда көктайғақ болады.
Алматыда түнде және таңертең тұман, жолдарда көктайғақ болады.
Instagram парақшамызға жазылып, ең қызықты ақпараттарды бірінші болып оқыңыз!
М. Лес