Сенат сайлауы: ОСК сайлаудың алдын ала нәтижесін жариялады
![Сенат сайлауы: ОСК сайлаудың алдын ала нәтижесін жариялады](/userdata/news/news_76874/image_l.jpg)
Орталық сайлау комиссиясы Парламент Сенаты депутаттарын сайлаудың алдын ала қорытындысын шығарды, - деп хабарлайды Massaget.kz тілшісі.
Парламент Сенатының депутаттарын жанама сайлау құқығы негізінде жасырын дауыс беру арқылы таңдаушылар - мәслихаттардың депутаттары болып табылатын Республика азаматтары сайлайды.
Астанада Парламент Сенаты төрағасының кеңесшісі Бибігүл Жексенбай 62,1 пайыз дауыс жинады.
Алматыда "Алматы қаласын дамыту орталығы" АҚ басқарма төрағасының кеңесшісі Жанна Асанова 62,2 пайыз дауыс жинады.
Шымкентте 76,7 пайыз дауыс жинап, қазіргі сенатор Нұрлан Бекназаров жеңіске жетті.
Алдын ала мәлімет бойынша, Абай ауданы бойынша депутат болып Семей құрылыс колледжінің директоры Қайрат Тастекеев сайланды. Ол сайлаушылардың 82,4 пайыз дауысын жинады.
Алматы облысында сенатор Жанболат Жөргенбаев 83,2 пайыз дауыс жинап, жеңіске жетті.
Атырау облысында Атырау облыстық мәслихатының хатшысы Әлібек Нәутиев 68,6 пайыз дауыс жинады.
Батыс Қазақстан облысында Батыс Қазақстан облысы әкімінің бірінші орынбасары Арман Өтеғұлов 74,7 пайыз дауыс жинады.
Жетісу өңірінде қазіргі Парламент Сенаты депутаты Амангелді Толамисов 76,3 пайыз жинады.
Қарағанды облысында Қарағанды облыстық мәслихатының хатшысы Серік Өтешов 78,2 пайыз дауыс жинап, Сенат депутаты атанды.
Қостанай облысында Қостанай облысы әкімі аппараты Бас басқармасының бірінші орынбасары Ғауез Нұрмұхамбетов 83,1 пайыз дауыс жинады.
Қызылорда облысында Қызылорда облысының мәдениет және спорт басқармасының басшысы Руслан Рүстемов 67,4 пайыз дауыс жинады.
Маңғыстау облысында Маңғыстау облысы әкімінің бірінші орынбасары Бекбол Орынбасаров 72 пайыз дауыс жинады.
Павлодар облысында "Павлодар облысы мәслихатының аппараты" ММ облыстық мәслихатының хатшысы Ернұр Әйткенов 87,1 пайыз дауыс жинады.
Солтүстік Қазақстан облысында 80,4 пайыз дауыс жинаған Білім министрлігі Орта білім комитетінің төрағасы Гүлмира Кәрімова жеңіске жетті.
Ұлытау өңірінде Медебаев Советбек 61,7 пайыз дауыс жинады.
Шығыс Қазақстан облысында Шығыс Қазақстан облысы әкімінің орынбасары Шәкәрім Бұқтұғытов 86 пайыз дауыс жинады.
Ақтөбе облысында Ақтөбе облыстық мәслихатының хатшысы Амангелді Нұғманов 83,1 пайыз дауыс жинады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек