"Ирина Қайратовна" тобының мүшесі Азамат Маркленов Семейде үйлену тойын жасады, - деп хабарлайды Massaget.kz тілшісі.
Бұл туралы Instagram-парақшаларда жарияланды. "Ирина Қайратовна" тобының солисі Азамат Маркленов Семейде тойын дүркіретіп өткізді. Тойдың соңында жігіттер өз репертуарындағы әндерді шырқап, жұртты билетті.
CHICHIHSAN - Азамат Маркленовтің әйелі Чинар Ихсанның сахналық есімі. Чинар Ихсанның да музыкаға жақындығы бар. Ол 2019 жылы Neon дебют трегін шығарды.
Еске салайық, бұған дейін Желіде әртістің неке қиған сәтінің видеосы тараған еді. 1 ай бұрын irinakairattovna Instagram-парақшасында жұптың неке қию туралы куәлігімен түскен фотосы жарияланды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!