Семейде есірткі сатушылардан 20 миллион теңге болатын "синтетика" тәркіленді
![Семейде есірткі сатушылардан 20 миллион теңге болатын "синтетика" тәркіленді](/userdata/news/news_102247/image_l.jpg)
Семейде есірткі сатушылардан құны 20 млн теңге болатын "синтетика" тәркіленді, - деп хабарлайды Massaget.kz тілшісі Polisia.kz сайтына сілтеме жасап.
Семей қаласында арнайы бөлімшенің күштік қолдауымен полицияның жедел-тергеу іс-шараларын жүргізу нәтижесінде синтетикалық есірткінің ірі сатушыларының қызметі тоқтатылды.
Абай облысы полиция департаментінің қызметкерлері екі ұсталғанның тұрғынжайын тінту кезінде салмағы 500 грамнан асатын "мефедрон" психотроптық затын тауып, тәркіледі. Күдіктілердің қылмыстық бизнеске қатысы барын растайтын телефондар тәркіленді. Есірткі тұтынуға арналған 1500-ден астам бір реттік доза заңсыз айналымға жіберілмеді, олардың "қара" нарықтағы алдын ала құны 20 млн теңгеден астам сомаға бағаланады.
Бұл дерек бойынша қылмыстық іс қозғалды. Күдіктілер уақытша ұстау изоляторына қамалды, оларға он бес жылға дейін бас бостандығынан айыру қаупі төніп тұр.
Instagram парақшамызға жазылып, ең қызықты ақпараттарды бірінші болып оқыңыз!
С. Сатыбалдина