Семейде бір күн бұрын жоғалып кеткен үшінші сынып оқушысы табылды

Семейде бір тәуліктен астам уақыт бойы бүкіл қала іздеген бала табылды, - деп хабарлайды Massaget.kz тілшісі Абай облысы ПД баспасөз қызметіне сілтеме жасап.

19 шілдеде жоғалып кеткен үшінші сынып оқушысы аман-есен табылды. Оны полицейлер, еріктілер және қала тұрғындары іздеді.

"Іздеу қараусыз қалған ғимараттарда да, ойын-сауық орындарында да жүргізілді. Іздестіру іс-шараларын жүргізу кезінде тәртіп сақшылары Восточный кентінің ауданынан оқушыны тапты", - деп хабарлады полиция.

Бала  полиция бөліміне жеткізіліп, онымен әңгіме жүргізілді. Бала психологтың қарауынан кейін ата-анасына тапсырылды.

Еске салайық, бұған дейін 9 жастағы бала үйден белгісіз бағытта шығып, жоғалып кеткені хабарланған болатын. 

Instagram парақшамызға жазылып, ең қызықты ақпараттарды бірінші болып оқыңыз!