Семейде бір көшені кәріз суы басты

Семейде тұтас бір көшені кәріз суы басып қалды. Қала әкімдігі қазір су басқан көше мен жеке аулалардағы жағдайдың қалай екенін және апат неден болғанын айтты, - деп хабарлайды Massaget.kz тілшісі.

Су басқан Би Боранбай көшесіндегі апатты жою жұмыстары түні бойы жалғасты. Су басқан көшеден 2800 текше метр су шығарылды.

"Семей көшелерінің бірінде Д-1000 миллиметр құбыр кәріз дюкері бітеліп қалды. Апат болған сәттен бастап коммунал қызметтер автомобиль жолы мен жеке тұрғын үй секторының бойын үйіндімен бекіту жұмыстарын бастады, сондай-ақ жеке сектордың аула аумақтарына кірген суды сорып шығару жұмыстарын жүргізді", - деп хабарлады қала әкімдігінің баспасөз қызметі өкілдері. 

200 метр қашықтықта кәріз коллекторының 6 үстіңгі тақтайшасы ашылды, бірақ әзірге бітелген немесе сынған жері табылған жоқ. Кәріз коллекторларының тақталарын ашу жұмыстары жалғасып жатыр.

"Жеке үйлердің аумақтарын су басу қаупі жоқ. Жағдай қала әкімдігінің толық бақылауында", - деп хабарлады Семей әкімдігі өкілдері.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!