Семейде аралдардың біріне жүзіп барып, қайта орала алмаған әйел құтқарылды
![Семейде аралдардың біріне жүзіп барып, қайта орала алмаған әйел құтқарылды](/userdata/news/news_86531/image_l.jpg)
Семей қаласында аралдардың біріне жүзіп барып, қайта орала алмаған әйел құтқарылды, - деп хабарлайды Massaget.kz тілшісі Абай облысы ТЖД баспасөз қызметіне сілтеме жасап.
2023 жылғы 2 шілде күні сағат 18.13-те 112 пультіне Семей қаласының аумағындағы Бобровка кентінде Ертіс өзенінің күшті ағысына байланысты әйел адам жағаға шыға алмай жатқаны туралы хабарлама келіп түсті.
Семей қаласы жедел-құтқару жасағының құтқару бөлімшелері дереу жеткеннен кейін әйел адамның аралдардың біріне жүзіп барып, қайта орала алмағаны анықталды.
Құтқарушылар әйелді қайықпен аралдан қауіпсіз жерге жеткізді. Құтқару операциясы кезінде әйел адам зардап шеккен жоқ.
"Абай облысы Төтенше жағдайлар департаменті облыс тұрғындары мен қонақтарынан судағы қауіпсіздік ережелерін сақтауды сұрайды: тыйым салынған жерлерде шомылмаңыз, балаларды қараусыз қалдырмаңыз, орнатылған қалқымалар мен арнайы қоршаулар үшін жүзбеңіз.
Төтенше жағдай туындаған кезде "101" немесе "112" нөмірлеріне қоңырау шалыңыз", - делінген ТЖД хабарламасында.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина