Ақмола облысында есірткі өндіретін фитозертхана ұйымдастырған күдікті ұсталды, - деп хабарлайды Massaget.kz тілшісі.
Щучинск қаласында есірткі қылмысына қарсы іс-қимыл бөлімшесінің қызметкерлері фитозертхананы әшкереледі.
Жергілікті тұрғын құрамында есірткі бар өсімдіктерді өз пәтерінде өсіруді жоспарлаған. Ол тыйым салынған заттар өндірісін жолға қою үшін интернет арқылы қажетті жабдыққа тапсырыс берген: фитобокстар, шамдар, фитолампалар және басқа заттар.
Өңір тұрғыны қажет тұқымды сатып алып, алғашқы өнімді күткен. Полиция қызметкерлері сұр-жасыл түсті, иісі бар марихуана салынған қорапты тапты.
"Тергеу іс-шаралары кезінде жедел қызметкерлер жабдықты тәркілеп, қылмыстық іс қозғады. Тәркіленген заттардың нақты құрамы мен салмағын анықтау үшін сараптамаға жіберілді", - деп жазылған хабарламада.
Полицейлер 2025 жылдан бастап Қазақстанда есірткі өндіргені үшін жаза өмір бойына бас бостандығынан айыруға дейін қатаңдатылғанын еске салады.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова