Сайлауға қатысу 65 пайыздан асты: Қызылорда көш бастап тұр

Орталық сайлау комиссиясы бір палаталы Парламент – Құрылтай сайлауына сайлаушылардың қатысу көрсеткіші туралы айтты. Орталық сайлау комиссиясының мүшесі Әсел Жанәбілова сағат 16:00-дегі жағдай бойынша ақпаратты мәлімдеді, - деп хабарлайды Massaget.kz тілшісі.

ОСК деректері бойынша, қазір 8 240 336 адам дауыс берген. Бұл - жалпы санның 65,37 пайызы.

Сайлауға қатысуы бойынша көш бастаған Қызылорда облысы - онда сайлаушылардың 81,38 пайызы дауыс берді. Одан кейін Шығыс Қазақстан облысы - 79,33 пайыз және Жетісу облысы - 77,03 пайыз тұр. Ең төменгі көрсеткіш Алматы қаласында тіркелді - 36,65 пайыз, одан кейін Астана - 46,38 пайыз.

• Астана – 46,38 пайыз;
• Абай облысы – 71,18 пайыз;
• Ақмола облысы – 73,69 пайыз;
• Ақтөбе облысы – 75,63 пайыз;
• Алматы облысы – 67,23 пайыз;
• Атырау облысы – 63,37 пайыз;
• Батыс Қазақстан облысы – 61,81 пайыз;
• Жамбыл облысы – 69,11 пайыз;
• Жетісу облысы – 77,03 пайыз;
• Қарағанды облысы – 70,91 пайыз;
• Қостанай облысы – 70,09 пайыз;
• Қызылорда облысы – 81,38 пайыз;
• Маңғыстау облысы – 65,86 пайыз;
• Павлодар облысы – 67,06 пайыз;
• Солтүстік Қазақстан облысы – 63,94 пайыз;
• Түркістан облысы – 76,73 пайыз;
• Ұлытау облысы – 64,29 пайыз;
• Шығыс Қазақстан облысы – 79,33 пайыз;
• Алматы – 36,65 пайыз;
• Шымкент – 67,92 пайыз.

Сағат 16:00-дегі жағдай / ОСК мәліметі

Сайлау қорытындысы қашан жарияланады?

Елімізде сайлау учаскелері сағат 7:00-ден 20:00-ге дейін ашық. Олар жабылғаннан кейін бірден дауыстарды санау басталады. Содан кейін аумақтық комиссиялар ОСК-ға нәтижелер бойынша есеп береді. Орталық сайлау комиссиясы қорытындыны арнайы отырыста шығарады.

Соңғы қорытындылар 30 тамызға дейін белгілі болады.

Еске салайық: сағат 12:00-дегі жағдай бойынша, барлығы 4 670 816 сайлаушы бюллетень алып, бұл 37,05 пайыз болды.

Ал сағат 10-ға қарай сайлауда 2 миллионнан аса қазақстандық дауыс берді. Алдын ала келу көрсеткіші 17,96 пайыз болды. Бұл сайлауда сайлаушылар тізіміне барлығы 12 605 788 адам енгізілген.

Бүгін елімізде Құрылтай депутаттарының сайлауы өтіп жатыр. Бұған дейін біз Құрылтай сайлауында кімдердің бірінші болып дауыс бергені туралы жазған болатынбыз. Токиода бір студент дауыс беруге қазақ биінің киімін киіп келді.

Қызықты жаңалықтар мен видеоларды көру үшін TikTok арнамызға жазылыңыз!