Сайлау-2022: қазақстандықтар барлығына қарсы дауыс бере алады
![Сайлау-2022: қазақстандықтар барлығына қарсы дауыс бере алады](/userdata/news/news_72317/image_l.jpg)
20 қарашада өтетін Қазақстан Президентінің сайлау бюллетеньдерінде "барлығына қарсы" деген баған пайда болады, - деп хабарлайды Massaget.kz тілшісі.
"Барлығына қарсы" бағаны заң бойынша қарастырылған. Әрине, ол болады. Азамат бірде-бір кандидатты таңдамаса, барлығына қарсы дауыс беруге құқылы", - деді Орталық сайлау комиссиясы төрағасының орынбасары Константин Петров.
Айта кетейік, Президент Қасым-Жомарт Тоқаев жаңа бағанды енгізу туралы 21 қыркүйекте Қазақстан халқына Жолдауында айтқан болатын.
"Сайлау бюллетеньдерінде "барлығына қарсы" деген баған пайда болды", - деп мәлімдеген еді Тоқаев.
Еске салайық, бұған дейін кезектен тыс президент сайлауы қашан өтетіні белгілі болғаны хабарланған еді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова