Сәуірдің соңғы күні 12 өңірде ауа райы қолайсыз болады
![Сәуірдің соңғы күні 12 өңірде ауа райы қолайсыз болады](/userdata/news/news_106363/image_l.jpg)
Синоптиктер 30 сәуірде Қазақстанның 12 өңірінде қолайсыз ауа райына байланысты ескерту жасады, - деп хабарлайды Massaget.kz тілшісі "Қазгидромет"-ке сілтеме жасап.
Жетісу облысының батысында жоғары өрт қаупі бар.
Астанада күндіз нөсер жаңбыр жауады. Солтүстік-шығыстан, шығыстан жел соғады таңертең және күндіз екпіні секундына15-20 метрге жетеді.
Ақтөбе облысының оңтүстігінде шаңды дауыл. Солтүстік-батыстан, солтүстіктен жел соғады, күндіз облыстың солтүстігінде, шығысында, оңтүстігінде екпіні секундына 15-20 метрге жетеді. Облыстың оңтүстігінде жоғары өрт қаупі бар.
Солтүстік Қазақстан облысының оңтүстігінде, батысында солтүстік-шығыстан жел соғады, күші 15-20, күндіз екпіні секундына 25 метрге жетеді. Түнде облыстың солтүстік-шығысында 2 градус үсік болады.
Қостанай облысының солтүстік-шығыстан жел соғады, облыстың батысында, оңтүстігінде, шығысында 15-20 м/с болады.
Маңғыстау облысының солтүстігінде найзағай ойнайды. Күндіз облыстың батысында, шығысында шаңды дауыл. Оңтүстік-шығыстан, оңтүстіктен жел соғады, күндіз облыстың батысында, солтүстігінде, шығысында екпіні 15-20 м/с болады. Облыста жоғары өрт қаупі бар.
Абай облысының солтүстік жартысында найзағай ойнайды. Жел солтүстіктен, солтүстік-шығыстан соғады, облыстың солтүстігінде екпіні 15-20 м/с-қа жетеді. Абай облысының оңтүстігінде жоғары өрт қаупі сақталады.
Қызылорда облысының батысында, орталығында шаңды дауыл болады. Жел оңтүстік-батыстан соғады, күндіз облыстың батысында, орталығында 15-20, екпіні 23 м/с-қа жетеді. Облыстың орталығында, оңтүстігінде, батысында жоғары өрт қаупі сақталады.
Түркістан облысының тауларында найзағай ойнап, дауыл соғады. Солтүстік-батыстан жел соғады, найзағай кезінде екпіні 15-20 м/с болады. Облыстың солтүстігінде жоғары өрт қаупі сақталады.
Атырау облысының солтүстігінде, батысында, оңтүстігінде найзағай ойнап, бұршақ жауады, дауыл соғады. Оңтүстік-шығыстан солтүстік-шығысқа ауысып жел соғады, күндіз екпіні секундына 15-20 метрге жетеді. Облыстың батысында, оңтүстігінде, шығысында жоғары өрт қаупі сақталады.
Ақмола облысында солтүстік-шығыстан, шығыстан жел соғады, облыстың батысында оңтүстігінде, шығысында 15-20, күніз екпіні 25 м/с болады.
Батыс Қазақстан облысының батысында, солтүстігінде, шығысында, күндіз облыстың батысында, оңтүстігінде, шығысында найзағай ойнап, бұршақ жауады. Жел оңтүстіктен солтүстікке ауысып соғады, облыстың батысында, солтүстігінде екпіні 15-20 м/с болады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан