Сыртқы істер министрлігі Сауд Арабиясының азаматтық инфрақұрылымына жасалған шабуылдарға байланысты осы елде жүрген Қазақстан азаматтарына үндеу жасады, - деп хабарлайды Massaget.kz тілшісі.
Ведомство азаматтарға бірқатар кеңес берді:
- сақтық шараларын қатаң сақтап, жергілікті билік органдарының нұсқауын орындау;
- қажеттілік болмаса, әуежайларға бармау, рейстерді әуекомпаниялардан алдын ала нақтылау;
- адамдар шоғырланған орындар мен қауіпті нысандардан аулақ болу;
- шұғыл емес сапарларды мүмкіндігінше кейінге қалдыру ұсынылды.
"Төтенше жағдайға тап болсаңыз, Қазақстанның Эр-Риядтағы елшілігіне немесе Қазақстанның Жиддадағы Бас консулдығына хабарласу қажет", - деді СІМ өкілдері.
Жедел байланысқа арналған телефон нөмірлері:
- Эр-Рияд қаласындағы консул: +966 55 663 01 77.
- Жидда қаласындағы консул: +966 53 275 80 80.
Айта кетейік, сенбіде Сауд Арабиясының азаматтық авиация бас басқармасы Эр-Рияд халықаралық әуежайына жасалған зымыран шабуылынан 12 адам қаза тауып, 309 адам зардап шеккенін хабарлады.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова